Ua Lub Neej Raws Txoj Hmoo

kulyia

RUK
[A lot has been changed from original plot.] *March 7th, 2015

I love writing in hmong. Unfortunately because our language is not standardized, theres still many words I do not know. If I'm missing anything, please feel free to correct :). Muaj dab tsi tsis yog lod sis yuam kev, thov pab qhia. Ua tsaug.

Ua Lub Neej Raws Txoj Hmoo yog ib zaj dab neeg hais txog neeg lub neej, nyob rau hauv Shanghai 1920s... Seb lawv lub neej yuav mus xaus li cas.

1900 yog ib lub sij hawm uas Suav tam tom muaj kev vam meej. asmevlikas, cov neeg angkis, nrog rau luag lwm haiv neeg sawv kev tuaj ua lag luam nyob rau hauv Shanghai, uas yog ib lub nroog uas vam meej tshaj plawv nyob rau lub sij hawm thaum ntawd...

1917 Heidelberg, Germany
"XianEr -- Koj yuav mus tsev tiag tiag li los? Txob maj mus mas. Cia peb kawm ntawv kom tav tso, vim tshuav ib xyoo lawm xwb. Maj mus ua dab tsi? Tsis yog muaj tus tshiab lawm los? Puas yog tseg tsis tau lawm na?"

"Muaj hauj lwm yuav mus ua xwb os."

"Hauj lwm dab tsi? Puas yog koj txiv daim ntawv nws xa tuaj?"

"Kuv yuav rov mus tsev. Kuv twb tsis xav mus li, tsheb yuav tawv tsis tau lawm. Kuv txiv yuav kom kuv rov mus tsev kom sai li sai tau. Muaj hauj lwm, muaj hauj lwm tseem ceeb."

"Yog li, tus nus Prajapok nes?"

"Tu siab kawg os Marry, vim yus yug los ua ib tug ntxhais nyob rau lub sij hawm yuam kev. Yus plaub lo lus tsis muaj hnub yuav yeej ib tug txiv neej ib lo lus. Tej zaum zaum no yuav yog zaum kawg. Thov koj pab mus qhia nws tias 'zoo siab uas tau cog phooj ywg nrog ib tug neeg zoo li nws.' Khuv xim kawg, uas yug los raug tsev neeg yuam kev."
 
Last edited:

cecilia

Staff member
Kuv nyam heev .. Tej zas kuv yuav rov qaab lug nyeem ntxiv moog rua yaav tom ntej nuav nawb mog. Sau ntxiv moog os tug viv ncaug! 
 
Just a small FYI, the right way to right 'lod' is 'lov'  I don't recall using 'D' as a tone? I could be wrong, though.
 

kulyia

RUK
The characters will develop as the story unravel.

XianEr npaj siab tias xyoo no yuav kawm ntawv kom tav, mus kom txog nws tus npau suav. Tab sis vim nws txiv uas yog Wu ZenHua muaj lwm lub hom phiaj, XianEr tus npau suav yuav tau muab ncua tseg. Txij hnub no mus lawm tov, XianEr yuav yog ib tug neeg muaj tswv, pib dua ib lub neej tshiab nyob rau tid New York. Henry uas yog XianEr tus txiv as-mes-liv-kas, yog ib tug txiv neej siab, thiab zoo nraug heev, muaj lub siab ncaj, siab loj siab dav. Muab lub dag zog los khwv kom tau ib lub neej zoo li luag. Tab txawm XianEr lub siab tsis muaj chaw rau nws los, tsis ua li cas. Lub sij hawm thaum nkawv rov mus nyob rau tid Asmeslivkas, poj niam pib muaj kev ywj pheej. **The Roaring Twenties was a turning point for women. Women began to dress more provocatively, and took advantage of their rights among the male dominated society.**

Tsis muaj txoj hmoo, ob xyoo tom qab nkawv sib yuav, Henry tau poob nkoj tuag. XianEr thiaj li txiav txim siab ua neej nyob rau tid New York, deb li deb tau ntawm nws tsev neeg.

1922 New York
XianEr , niam txiv yug los thooj hlab koom ntaws, tu siab tshaj plaws uas wb tsis txawj sib hlub. Muam thiab dab laug ces sib kem ciam, tij hais los kwv fee hlo ib sab. Niam txiv tuag tag tsis muaj ib tug coj qhov twg. Twb phem npaum no, tseem yuav muab ua chaw tu siab tsis tuaj xauj thiab los?"

1922 Taj Shanghai

Nws yog ib hnub tshav ntuj nrig nyob rau sab ntuj tim no. Thawj hnub uas Chan Wenqiang tuaj txog Taj Shanghai.

"Nyob zoo tus me kwv. Kuv nrhiab qhov chaw no. Koj pab puas tau tij laug?" Chan Wenqiang noog tus me nyuam tub.

"Koj xav tias kuv paub nyeem ntawv los?"
"Oh, thov txim. Qhov chaw kuv nrhiav hu ua Petain. Koj pab puas tau kuv?"
"Koj muaj nyiag puas yog?"

"Me nyuam kas tom, ntsia kuv cov khau ncaws kom zoo. Twb tsis zoo npaum koj ce!" tus me nyuam tub mam li ntsia tus txiv neej uas siab heev, cov khaub ncaws, Tab txawm nyob kiag hauv Shanghai no los, tsis tau pom dua! Tshwj xeeb, yog nws cov plaub hau: uas yog ib tug moj tuam/ yivtws. Wenqiang thiaj teb rov qab tias, "Tsis pab ces tsum."

"Yog koj pab tau kuv, kuv mam li pab koj!" Tus me nyuam tub thiaj los ze zus. "Koj puas pom tag nrho cov neeg no? Yog tuaj nrhiav hauj lwm ua xwb. Koj puas muaj nyiaj? Yog koj pab tau kuv, kuv mam li qhia koj tias Petain nyob qhov twg." Wenqiang thiaj muab tau ob lub nyiaj npib tso rau hauv nws ob txhais tes. "Koj tuaj qhov twg tuaj?" Noog tus me nyuam tub, "Koj tuaj kev deb tuaj puas yog? Txhua leej txhua tus yeej paub tias txoj kev Petain yog neej muaj nyiaj nyob xwb. Nrhiav lub tsheb uas tshiab tshaj ces raws nws mus kom txog txoj kev Petain."

"Hais lus ntxim khauj tsiav kawg." Tam tom muaj ib lub tsheb Askiv los mus dhau, Wenqiang tiaj khiav raws nws mus lawm. Wenqiang raws lub tsheb ib hnub nkaus, thiaj los txog rau ntawm ib thaj av uas muaj ib tug nees xim dawb. Tus nees cov plaub, tshiab npaum li cov huab ya saum ntuj. Tab xawm ib leeg nyob ib leeg deb deb los, tus nees maj mam tig los saib Wenqiang.

Wenqiang thiaj hu tuaj rau tus nees tias, "Lub ntuj nag tag lub ntuj no tuaj. Yug los ua neeg tsis muaj tus hlub, tsis muaj tus tshua." Wenqiang thiaj luag, hais ntxiv tias, "Kuv xav tias nyob hauv ntiaj teb no, thiaj muaj kuv ib leeg uas thiaj paub txog txoj kev lwj siab ntsim siab no. Nyob ib leeg kho siab khuav li koj, es yog li koj tos leej twg os?" Wenqiang thiaj seev tias, "Kuv tus me poj niam ntuj tsim teb raug khiav raws luag lub hnav lawm. Yuav mus raws nws, coj nws los tsev, los sis muab nws tua kiag pov tseg los ua tsis tau. Mob siab kawg. Yog muaj ib tug nyob ntawm yus ib sab ntshe yuav sov siab heev."
 
Last edited:

kulyia

RUK
Wenqiang thiaj los txog ib lub tsev xim liab: Tsev neeg Lu lub tsev. 
 
"Koj tuaj ua dab tsis?" Noog tus txiv neej coj tsom iav, xim dub.
 
"Kuv nrhia tus pog hu ua Xiang XiaoZi. Muaj lus --"
 
"Koj paub nws tau li cas?"
 
"Dab tsis? Ua li cas hnub no yuav ntsib cov niag neeg ntxim ntxub ua luaj. Hais nws kom nws tawm tuaj! Vim muaj hauj lwm tseem ceeb."  
 
Ib tug poj niam hnav ce khaub ncaus dawb
thiaj tsa ncauj tias, "Cia nws los tau." Tus poj niam no lub npe hu ua Xiang LiNiang, uas yog Lu TingLik ib tug poj niam, thiab yog Wenqiang tus tais hluas.
 
"Tawv nqaij dawb mentsis tab sis pab tsis tau vim lub siab tseem dub li qub." Nws thiaj li ntxhi rau LiNiang lub pov ntseg tias, "Koj tus niam laus nes?"
 
"Koj kuj nyob tos, seb puas pom nws los."
 
"Txhob maj! Koj xav kom kuv qhia lawv txog koj lub qe los? Hnub twg koj rov qab ntxeev siab rau kuv, txhob vam tias kuv yuav tso koj tseg." LiNiang thiaj ua ib siab cia nws nyob hauv Shanghai, dag ua dab laug, thiab ua hauj lwm rau tsev neeg Lu.
 
Hmo ntawv yog Wenqiang thawj zaug ntsib TingLik, uas zoo ib yam li ib tug neeg tawv dawb [vim nws niam uas yog Amelia, yog neeg tawv dawb tabsis nws txiv uas yog Lu ZenHua, yog suav]. Thaum nws pom dheev TingLik tuav nws tus tais hluas [LiNiang uas tsi tau muaj hnub yug] txhais tes, mob nws siab ib zag, ib ce kub lug. 
 
 
Ib ob hmo tom qab,
Wenqiang thiaj pw tsis tsaug zog, nws thiaj tawm mus ncig lub tsev Lu uas loj thiab dav heev. Nws thiaj mus txog lub tsev nees nyob rau nram qab, thiaj mus pom LisKoob ntsis tus nees dawb cov plaub hau.
 
 
"Nyob zoo." Wenqiang hu. LisKoob tig los saib seb yog leej twg. 

"Nyob zoo thiab. Ntsia koj tsis yog nyob Shanghai tuaj, puas yog?"
 
"Tuaj Beijing tuaj." Wenqiang teb rov qab.

"Hnub i, koj tias koj nrhiav leej twg?"

 
"Muam npaws: XiaoZi."
 
"Tsis tau nrog XiaoZi tham tab sis ua cas tsis tau hnoov koj npe dua li?"
 
"Txheeb tsis ze. Cas noog lus ntau ua luaj? Tus loj twb tsis ncauj ntau npaum koj!"
 
Li koob thiaj luag, nws thiaj teb tias, "Tsuav Ting Lik 'okay' lawm xwb mas. Noog los vim xav paub seb puas muaj hnub tsaus ntuj xwb."
 
"Kuv siab tsis me npaum koj hais."
 
"Ua li koj hais!" Lis koob luag nyav rov mus hauv tsev. Wenqiang thiaj los plhws tus nees lub taub hau. Tam tos LisKoob thiaj los pom, "Nws yog ib tug tshwj xeeb, npe hu ua QiPing. Nws yog tus nees niam hlob tu ua ntej nws tau tav sim neej, tu rau XianEr uas yog TingLik tus muam." 
 

lenlin

sarNie Juvenile
cecilia said:
Kuv nyam heev .. Tej zas kuv yuav rov qaab lug nyeem ntxiv moog rua yaav tom ntej nuav nawb mog. Sau ntxiv moog os tug viv ncaug! 
 
Just a small FYI, the right way to right 'lod' is 'lov'  I don't recall using 'D' as a tone? I could be wrong, though.
I'm not too sure how you spell it either, but I remember being told when I was learning Hmong that the d can be used as a tone at times. Very rarely, but it is used, and if I also remember correctly, it's only used in white Hmong. Green Hmong never uses it.
 
Top